Sot në orët e hershme të mëngjesit ka ndërruar jetë fizikanti i njohur botërisht Stephen Hawking. Ai ka ndërruar jetë në moshën 76 vjeçare, në Kembrixh, shkruan KultPlus.

Vdekja e tij ka ngjallur një pikëllim të madh anë e kënd botës. Një mënyrë për ta kujtuar jetën e tij të jashtëzakonshme, është shikimi i filmit “The Theory of Everything”, i cili ka qenë i nominuar për Oscar, shkruan Cnet, përcjellë KultPlus.

Ky film biografik për Hawking, është realizuar në vitin 2014 dhe dokumenton jetën e Stephen Hawking para, gjatë dhe pas dignostifikimit me ALS – Sklerozen amiotrofike laterale, në moshën 21 vjeçare. Pas kësaj mjekët e kishin njoftuar se ai ka vetëm edhe dy vite jetë.

Ky film i prodhuar nga regjisori James Marsh, ka marrë shumë vlerësime të mira, e po ashtu edhe shumë çmime. Aktori Eddie Redmayne që kishte luajtur rolin e fizikanit Hawking, kishte fituar Oscarin, si aktori më i mirë./ KultPlus.com