Me të shikuar filmin në një kinema në Hong Kong të Kinës, një burrë ka dalë jashtë dhe ka treguar me zë se si përfundon ky film i ri.

Raportohet se ai e kishte përcjellë të shumëpriturin ‘Avengers: Endgame’ dhe pastaj zbuloi befasinë, para disa personave që po prisnin të blinin biletat, transmeton Telegrafi.

Imazhi që është shpërndarë, e tregon një të ri të ulur në dyshemenë e kinemasë, ndërsa anash ka shumë stërpika të gjakut. Atë e ka kontrolluar një mjek, i cili tha se i ka marrë lëndime të lehta në të gjithë trupin.

I lënduari në dyshemenë e kinemasë

Reagimi i të pranishmëve ndaj tij, është diskutuar gjatë në rrjetet sociale, ku është kërkuar që të mos tregohet për përfundimet e filmave, sepse humbet befasia e pritshme.