Ka qenë një vampir bukurosh apo zbutës elefantësh në role të ndryshme, por si në filmin e tij të ri nuk e kemi parë kurrë.

Robert Pattinson luan rolin e një psikopati te quajtur Connie në trillerin kriminal “Good Time”.
Personazhi i tij është i obsesionuar për lirimin e vëllait problematik nga burgu pas një tentative të dështuar për vjedhje.

Filmi ndjek Odisenë e Connie-t përgjatë një nate të mbushur me fatkeqësi.

“Good Time”, që do të fillojë të shfaqet në kinematë amerikane nga e premtja, është xhiruar kryesisht me kamera dore në rrugët e Kuinsit në Nju Jork.

I mësuar me sete luksoze xhirimi këtë herë Pattinson është detyruar të flejë në një kolibe qensh për të pushuar pas xhirimeve të lodhshme.

“Ritmet e xhirimit ishin shumë të lodhshme dhe duhej të ishe gjithë kohës gati. Nuk mund të kumbisnim asnjë minutë”, thotë ai.

Megjithatë sakrificat e aktorit që u be i famshëm për rolin e vampirit Eduard Cullen në sagën Twilight duket se po shpërblehen. Në Rottentomatos.com trileri ka marre vlerësimet maksimale nga kritika./ KultPlus.com