Shtëpia filmike Crossing Bridges Films, bën ftesë për audicion me rastin e fillimit të përgatitjes për xhirimin e filmit artistik të metrazhit të gjatë “Zana”, me skenar dhe regji të Antoneta Kastratit dhe producent Casey Cooper Johnosn, shkruan KultPlus.

Ky projekt është subvencionuar nga Qendra Kinematografike e Kosovës. Bëhet e ditur se audicioni organizohet për disa role si: Remzija, mosha 50-65, Gjeva, mosha 50-65, Shpresa: mosha 35-45, Hoxhë Murati: mosha 35-50, Zana: 4-5, Bajrami: 50-65, Mjeku: 50-65 dhe vajza: 20-30.

Aktorët e interesuar duhet të dërgojnë një biografi të shkurtër, një foto portret dhe link (nëse kanë), me sekuenca nga projekte tjera filmike. Ata që nuk kanë link nga punët e mëhershme, duhet të dërgojnë një video të shkurtër ku bëjnë një prezantim të shkurtër për vetën e tyre. Kurse për rolin e Zanës, thuhet që të dërgojnë një incizim/video (me telefon ose kamerë) të vallëzimit të improvizimit tradicional. Materialet duhet të dërgohen në emailin [email protected]. /KultPlus.com