Sot është 242-vjetori i pavarësisë së Shteteve të Bashkuara të Amerikës.

Kësisoj, në këtë ditë Ambasada Amerikane në Tiranë, ka publikuar një fotografi të vitit 1920, asokohe kur shqiptarët kanë nderuar Shtetet e Bashkuara dhe kanë festuar me flamurin amerikan këtë ditë, përcjell KultPlus.

“Foto e Ditës | 1920, Shqiptarët nderojnë Shtetet e Bashkuara. Me flamurin amerikan të rreshtuar në krah të flamurit të tyre kombëtar, fëmijët shqiptarë mblidhen për të nderuar 4 korrikun, Ditën e Pavarësisë së Shteteve të Bashkuara, duke shpresuar që në këtë mënyrë do të përcjellin përtej oqeanit mirënjohjen e tyre për ndihmën dhe përkrahjen në kohë të vështira.( Arkiva e Bibliotekës së Kongresit)”, thuhet në publikimin në rrjetin social Facebook nga Ambasada Amerikane në Tiranë./ KultPlus.com