Albin Tahiri ka përfunduar në mesin e 30 më të mirëve nga 89 garues në disiplinën e sllallomit të madh, në Lojërat Olimpike Dimërore Pekini 2022.

Skitari kosovar arriti një tjetër synim të tij për të hyrë në 30 më të mirët në LOD Pekini 2022, pas vendit të 15-të të zënë në kombinim alpin.

Ai zuri vendin e 30-të, kurse në lëshimin e parë ishte i 37-ti.

Shkaku i kushteve të vështira në shteg shumë garues ub diskualifikuan, ndërsa të dyja lëshimet i përfunduan 47 garues.

Ju kujtojmë se Albin Tahiri do të garojë edhe më 16 shkurt 2022, në disiplinën e sllallomit./ KultPlus.com