Presidentja e Republikës së Kosovës, Vjosa Osmani, ka njoftuar se urdhri “Dr. Ibrahim Rugova” i është dhuruar ambasadorit amerikan në Kosovë Jeff Hovenier, i cili pritet të përfundojë mandatin e tij në Kosovë këtë muaj dhe të dalë në pension.

Ajo ka shkruar se Hovenier për Kosovën ishte më shumë se një Ambasador.

“Ishte me ne kur populli i Kosovës ishte viktimë e krimeve të llahtarshme, ishte me ne kur raportonte për masakrën e Reçakut, ishte me ne kur vendosnim themelet e shtetit tonë të pavarur, e ishte me ne edhe përgjatë viteve të fundit në mbrojtje të pavarësisë, sovranitetit dhe aleancës së pathyeshme me SHBA-të”, ka shkruar Osmani./KultPlus.com