Atleti kosovar, Erzen Zyberaj do të vrapoj nga Prishtina në Tiranë për të nderuar Festën e Flamurit Kombëtar.

Kryetari i Prishtinës, Përparim Rama i ka uruar rrugëtim të mbarë Erzenit i cili do të përshkojë një distancë prej 260km.

Rama është shprehur se ky vrapim është një shprehje e vërtetë e dashurisë dhe rrespektit ndaj flamurit kombëtar.

“Vrapim për Flamurin Kombëtar!
I urova rrugëtim të mbarë atletit të pasionuar Erzen Zyberaj, i cili do të vrapojë nga Prishtina në Tiranë, duke përshkuar një distancë prej 260 km, për të nderuar Festën e Flamurit Kombëtar!
Ky vrapim është një shprehje e vërtetë e dashurisë dhe respektit ndaj flamurit kombëtar.
Atleti ynë po bënë një udhëtim të shkëlqyer për të sjellë bashkë me vete frymën e pavarësisë dhe lavdisë që flamuri simbolizon”, shkruan Rama. / KultPlus.com