Ministri i Kulturës, Hajrulla Çeku, përmes një postimi në “Facebook” ka kujtuar personalitetet që na lanë gjatë vitit 2022, shkruan KultPlus.

Ai thotë se veprimtaria dhe kontributi i tyre do të mbetet i paharruar.

Postimi i plotë:

“Në këtë fundvit, kujtojmë personalitetet që na lanë gjatë vitit 2022. Veprimtaria dhe kontributi i tyre në fushat e kulturës, sportit e trashëgimisë kulturore do të mbeten të paharruar. 🤍🙏

Poeti Xhevdet Bajraj, producentja Vjosa Berisha, piktorja Alije Vokshi, punëtori sportiv Belul Beqaj, futbollisti Erion Kajtazi, piktori Omer Kaleshi, atletja dhe maratonistja Erida Kurshumlija, balerina Esma Mulla, basketbollisti dhe gjyqtari i basketbollit Agim Dushi, instrumentisti Bledar Bujupi, boksieri Xhevdet Peci, kolegu nga Muzeu Kombëtar i Kosovës Arban Sopjani, profesoresha e muzikës Seniha Spahiu, grafisti Bahri Drançolli, muzicienti Arlind Gjikolli, këngëtari Eduard Meraku, klarinetisti i ansamblit “Shota” Mentor Krasniqi, gazetari sportiv Milaim Krasniqi, muzicienti Erin Godanci, atleti Ismet Abazi, hendbollisti Valbon Shala, mësuesja e pianos Hadije Gjinali”, thuhet në postimin e Çekut. /KultPlus.com