OKB ka shpallur 21 gushtin si Ditën Ndërkombëtare të Përkujtimit dhe Homazhit të Viktimave të Terrorizmit, me qëllim nderimin dhe mbështetjen e viktimave dhe të mbijetuarve të terrorizmit dhe për të mbrojtur ushtrimin e plotë të të drejtave të tyre njerëzore si dhe liritë themelore.

Shtetet anëtare, përmes rezolutës së Strategjisë Globale Kundër Terrorizmit kanë theksuar rolin e rëndësishëm të viktimave të terrorizmit në luftën kundër terrorizmit.

Aktet terroriste përhapin një gamë të gjerë ideologjish urrejtjeje dhe vazhdojnë të lëndojnë, dëmtojnë dhe vrasin mijëra njerëz të pafajshëm çdo vit.

Pavarësisht dënimit ndërkombëtar të terrorizmit, viktimat dhe të mbijetuarit e terrorizmit shpesh luftojnë që zëri i tyre të dëgjohet, nevojat e tyre të mbështeten dhe të drejtat e tyre të respektohen. Viktimat shpesh ndihen të harruara sapo të zbehen pasojat e menjëhershme të një sulmi terrorist. Pak shtete anëtare në OKB, kanë burimet ose kapacitetin për të përmbushur nevojat afatmesme dhe afatgjata të viktimave të terrorizmit për t’i mundësuar ato të rikuperohen plotësisht, të rehabilitohen dhe të riintegrohen në shoqëri.

Shtetet anëtare kanë përgjegjësinë kryesore për të mbështetur viktimat e terrorizmit dhe për të mbrojtur të drejtat e tyre. Kombet e Bashkuara kanë një rol të rëndësishëm në mbështetjen e Shteteve Anëtare për të ofruar mbështetje për viktimat e terrorizmit; ofrimi i ndihmës për ngritjen e kapaciteteve; krijimi i rrjeteve; dhe ofrimi i mbështetjes për organizatat e shoqërisë civile, veçanërisht shoqatat e viktimave; dhe për të mbrojtur dhe respektuar të drejtat e viktimave të terrorizmit./atsh/KultPlus.com