Qeveria e Kosovës ka miratuar propozim-vendimin për emërimin e drejtorit ekzekutiv të Agjencisë për Barazi Gjinore në kuadër të Zyrës së Kryeministrit.

Në këtë post u emërua Edi Gusia me propozim të komisionit për vlerësimin profesional për pranim për pozitën e kategorisë së lartë drejtuese drejtor ekzekutiv në Agjencinë për Barazi Gjinore.

Kryeministri në detyrë, Albin Kurti, tha se Komisioni pas përfundimit të procedurave, në pajtim më Ligjin për Zyrtarët Publikë i ka propozuar Qeverisë dy kandidatë: Zonjën Edi Gusia me 94.8 pikë dhe zotëri Vehbi Mujkun me 82.8 pikë.

“Andaj duke pasë parasysh arsyetimin e përmendur, propozoj që zonja Edi Gusia të emërohet në pozitën e drejtores ekzekutive të Agjencisë për Barazi Gjinore në kuadër të Zyrës së Kryeministrit”, tha Kurti./Express/ KultPlus.com