Për ndarjen nga jeta të këngëtares shqiptare Nexhmije Pagarusha, ka reaguar edhe Kryebashkiaku i Tiranës, Erion Veliaj, shkruan KultPlus.

Ai është shprehur krenar që dy vite më parë, qyteti i Tiranës e nderoi figurën e Nexhmijes me ‘Çelësin e Qytetit të Tiranës’

”Ikja e Nexhmije Pagarushës është një humbje e madhe për këngën shqiptare! Krenar që, dy vjet më parë, nderuam me Çelësin e Qytetit të Tiranës një artiste të jashtëzakonshme që i dha kaq shumë muzikës tonë. U prehsh në paqe!”, është shprehur tutje Veliaj. / KultPlus.com