Ka filluar sot vendosja e kamerave të sigurisë nëpër shkollat e Komunës së Prishtinës. Lajmin e ka bërë të ditur, drejtoresha e Arsimit në Prishtinë, Besianë Musmurati, e cila është shprehur se ky është hap i rëndësishëm për sigurinë nëpër shkolla, përcjell KultPlus.

Sipas Musmuratit, rastet e dhunës në shkolla duhet të minimizohen dhe ky është një prej hapave konkretë që rrisin sigurinë.

“Plani për siguri në shkolla ka fillu të jetësohet!

Pas disa vitesh filluam të vendosim kamerat e sigurisë nëpër shkolla të Prishtinës. Rastet e dhunës në shkolla duhet të minimizohen dhe po bëjmë hapa konkretë që rrisin sigurinë”, shkruan Musmurati. / KultPlus.com