Në fotografi është Adolf Eichmann, i konsideruar si “arkitekti i Holokaustit”.

Eichmann shkoi në Argjentinë në vitin 1950 duke u nisur nga Gjenova e Italisë, falë një prej rrjeteve të shumta të organizuara pas fundit të Luftës së Dytë Botërore nga nazistët dhe mbështetësit e SS-ve. Pasaporta ishte lëshuar nga Komiteti ndërkombëtar i Kryqit të Kuq dhe mbante emrin Ricardo Klement, i njëjti emër që Eichmann përdori deri në momentin që u kap nga agjentët e dërguar nga Tel Avivi, në vitin 1960.

Nje rol kyç në identifikimin e Eichmann pati Lothar Hermann, babai i një të reje që ishte njohur me një nga fëmijët e ish-SS-së në Buenos Aires. Në vitin 1961 në Izrael fillon gjyqi ndaj nazistit Adolf Eichmann për krime në luftë, ku ai dëshmoi pas një mburoje prej antiplumbi. Eichmann u shpall fajtor dhe u dënua me vdekje. Më 1 qershor 1962 Eichmann u ekzekutua me varje. Trupi i tij u dogj dhe hiri u përhap në det, përtej ujërave territoriale të Izraelit. Ekzekutimi i Adolf Eichmann mbetet i vetmi rast që Izraeli ka miratuar një dënim me vdekje.

Te platforma Netflix kjo histori tregohet tek filmi “Operation Finale”.

Fotografia është e korçarit Gjon Mili, shqiptarit me famë botërore i cili fotografoi plot momente të rëndësishme botërore.