“Hetime në Hapësirë | Hapësira e së Ardhmes 1:1″ është projekti që ka inicuar aktivitetin njëmujor që për qëllim ka eksperimentimin me struktura të përkohshme në hapësira, duke eksploruar ndikimin e tyre në dizajn dhe funksionalitet, përcjell KultPlus.

Përmes kësaj iniciative, synohet të zbutet kufiri midis projektuesit dhe përdoruesve, duke krijuar një platformë dialogu mbi mënyrat e shfrytëzimit të hapësirave, duke pasur si qëllim inkurajimin për qëndrim në mjedise të përbashkëta.

Përveç projektimit të strukturave, pjesëmarrësit kanë eksploruar konceptet e efiçencës së energjisë dhe parimet e trashëgimisë, kryesisht kur zbatohen në vende me rëndësi historike. Ata gjithashtu kanë mbledh të dhëna që mund të shërbejnë si referencë për projektet e ardhshme.

Pjesëmarrësit kanë marr leksione të shkurtra nga ekspertë të fushës.

Puna e pjesëmarrësit ka qenë: Zhvilloni një ide të vetme bazuar në kontekstet e dhëna.

Kontekste: 1) Strukturë fleksibilitet në një hapësirë të qëndrueshme 2) Strukturë e qëndrueshme në një hapësirë fleksibilitet 3) Strukturë e qëndrueshme në një hapësirë të qëndrueshme.

Pjesë e punës: Hulumtimi në terren, hulumtim i literaturës, hulumtim i materialeve dhe koncepteve kontemporane, aspektet e reja të krijimit të strukturave të përkohshme, ndjekja e ligjëratave nga ekspertë të fushave.

Nga secili grup është krijuar një model i strukturës, koncept dhe paraqitje grafike e prezantuar me datën 22.Tetor.2024, ekspozitë e cila do të qëndroi e hapur deri me datën 30 Tetor.

Ky projekt është udhëhequr nga Bora Kelmendi Beqiraj dhe përkrahur nga: Ministria e Kulturës, Rinisë dhe Sportit, Fakulteti i Arkitekturës “Universiteti i Prishtinës-Hasan Prishtina”./ KultPlus.com