Në nderim të filozofit dhe politikanit Arbën Xhaferi, më 15 gusht, do të mbahet një eveniment përkujtimor, përcjellë KultPlus.

Më 15 Gusht të 2012-tës i tërë opinioni në trojet shqiptare u njoftua se filozofi dhe politikani shqiptar Arbën Xhaferi ndërroi jetë. Një figurë e cila konsiderohej rilindas i fundit i shqiptarëve, që përmes gjuhës së tij dhe filozofisë politike të mprehtë ndërvepronin strategjitë dhe porositë për emancipim të shqiptarëve jo vetëm në Maqedoni, por në tërë rajonin. Emri i tij akoma lakohet dhe përmendet në tryezat ndërkombëtare si politikan pragmatik dhe i vendosur për të vazhduar përpara pavarësinë e Kosovës dhe ngadhënjimin e shqiptarëve.

Në nder dhe përkujtim të të ndjerit Arbën Xhaferit, organizohet eveniment përkujtimor “Jeta dhe Vepra ARBËN XHAFERI” ku do të marrin pjesë elita politike nga trojet shqiptare, ish bashkëpunëtorë të të ndjerit e familjarë. / KultPlus.com