Zëvendësndihmëssekretarja e Shtetit për Çështjet Ndërkombëtare të Narkotikëve dhe Zbatimit të Ligjit, ambasadorja Lisa Johnson vizitoi Muzeun Bunk’Art në Tiranë të cilin e cilësoi një vend magjepsës dhe një kujtesë të zymtë se pse ne të gjithë duhet të luftojmë për të ruajtur liritë tona themelore dhe të drejtat e njeriut.

“Për të pasur një të ardhme të ndritur, vendet duhet të kuptojnë dhe të mësojnë nga e kaluara e tyre. Kjo është e vërtetë në Shqipëri, aq sa është edhe në Shtetet e Bashkuara”, u shpreh ajo në rrjetet sociale.

“Çfarë kontrasti me Shqipërinë e sotme gjallëruese dhe të bukur, e cila qëndron krah për krah me ne në NATO, ndërsa përballemi së bashku me kërcënimet e reja autoritare për lirinë në Europë”, tha Johnson./ atsh/KultPlus.com