Rrjeti për Zhvillim të Qëndrueshëm të OKB-së, në “Ditën Botërore të Lumturisë” ka publikuar Raportin Botëror të Lumturisë, ku ka renditur vendet të cilat kanë popullin më të lumtur.

Në këtë raport vendin e parë e ka zënë Finlanda, si vendi më i lumtur në botë, dhe pas këtij shteti vijnë Danimarka në vendin e dytë, Islanda në vendin e tretë, Suedia zë vendin e katërt dhe Holanda vendin e pestë.

Në listë, Kosova ka zënë vendin e 29, duke bërë me dije se qytetarët e Kosovës janë më të lumturit në Ballkan.

Pas Kosovës, prej vendeve ballkanike vjen Serbia në vendin e 31, Bosnja dhe Hercegovina në vendin e 56-të, Mali i Zi në vendin e 71, Maqedonia e Veriut në vendin e 86-të si dhe Shqipëria në vendin e 89.

Në kapitullin e tretë të raportit, tregohet se ka shumë mënura që të kujdesemi dhe të ndajmë me njëri-tjetrin si për shembull të ngrënit vetëm nuk është e mirë për mirëqenien tuaj.

Ndryshe, në korrik 2012, Asambleja e Përgjithshme e Kombeve të Bashkuara shpalli një rezolutë, sipas së cilës Dita Ndërkombëtare e Lumturisë do të shënohet çdo vit më 20 mars./KultPlus.com