Kroçera “World Traveller” me 156 turistë vizitoi sot portin e Durrësit.

Sipas Autoritetit Portual Durrës, turistët e ardhur me kroçerë janë të nacionaliteteve të ndryshme si amerikanë, 󠁧󠁢󠁥󠁮󠁧󠁿anglezë, kanadezë, kolumbianë, australianë, francezë etj.

Kroçera e ka nisur e turin e saj nga Kroacia, e ka vijuar me ndalesat ditore në Monopoli(Itali) sot në vendin tonë e do të vijojë lundrimin në disa prej ishujve të Greqisë.

Kjo eksploruese moderne, e lançuar në vitin 2022, integron sistemet më të fundit të menaxhimit të energjisë hibride me efikasitet maksimal të karburantit dhe sistemeve shtytëse.

Inxhinieria e saj bashkëkohore është e ndjeshme ndaj ekosistemeve të brishta të ujërave oqeanike dhe detare duke lejuar anijen të lundrojë me pak ose aspak zhurmë deri në pesë nyje.

“World Traveller” lundron nën flamurin e Madeiras, ka një kapacitet akomodues prej 196 pasagjerësh dhe 127 anëtarë ekuipazhi./atsh/KultPlus.com