Kryeministri Edi Rama drejtoi dje në selinë e OKB në Nju-Jork, Debatin e Hapur të Nivelit të lartë, ku Presidenca Shqiptare e Këshillit të Sigurimit drejton një nga sesionet më të rëndësishme me temë “Respektimi i qëllimeve dhe i parimeve të Kartës së OKB-së nëpërmjet multilateralizmit: “Ruajtja e paqes dhe sigurisë së Ukrainës”.

Në tryezë mori pjesë Presidenti i Ukrainës, Volodymyr Zelensky dhe 50 krerë shtetesh.

Mëngjesin e sotëm, kryeministri Rama ndau fotoalbumin me pamje nga kjo ditë, të cilën e ciëlsoi si dita më krenare e Shqipërisë në historinë e marrëdhënieve tona ndërkombëtare.

Gjatë debatit Rama tha se, “agjenda e përkohshme është: ruajtja e paqes dhe sigurisë ndërkombëtare, respektimi i qëllimeve dhe parimeve të Kombeve të Bashkuara, Kartës së saj përmes aksionit shumëpalësh efektiv, ruajtjes së paqes dhe sigurisë së Ukrainës”. / atsh / KultPlus.com