Qendra Kulturore “Aleksandër Moisiu” në Kavajë tashmë ofron për publikun artdashës dhe trupën e artistëve kushte dinjitoze.

Kryeministri Edi Rama ka publikuar një fotogaleri nga kjo qendër e cila ka pësuar një transformim rrënjësor, dikur e lënë në harresë e tashmë e rilindur.

“Qendra Kulturore “Aleksandër Moisiu” në Kavajë e rilindur, një vlerë e shtuar e qytetit”, shprehet Rama.

Qendra kulturore “Aleksandër Moisiu” në qytetin e Kavajës pas ndërhyrje rrënjësore është shndërruar në një sallë bashkëkohore kinemaje 3D, por që do të shërbejë edhe për shfaqje teatrale dhe aktivitete kulturore, ndërsa holli i godinës do të shërbejë për ekspozita, sallë konferencash etj./atsh/ KultPlus.com