Shkruan: Çun Lajqi

Kur gjykohemi për kalbje

Njerëzit qenkan si dardhat
Kur gandohen para gjetheve pikin n’tokë
S’i mbajnë rremat as rrfanat ma
Mos i shkelni t’vrame janë
S’kan nevojë t’zbutën ma shumë
T’forta i patet nëpër rrema
S’deshtët me i thye dhambtë
Tash mos i nemni
S’kan rrfana por kan fara
N’tokë leni t’i hanë krimbat
Kur ishin n’maje i lakmojshit
Verdhsimit tyne
I dojshit për nji erë për nji kafshim
Ç’nevojë keni t’i shkelni tash
Kur s’vjerrën ma n’degët e veta
Kan pikë n’tokë dardhat
Priteni kalbjën