Skiatorja Lara Colturi që përfaqëson Shqipërinë është renditur e 16-ta në botë në garën e parë të Botërorit të Skive që nisi këtë të shtunë në Solden të Austrisë.

Ministrja e Arsimit dhe Sportit, Ogerta Manastirliu vlerësoi sot këtë rezultat, ndërsa u shpreh se “Lara Colturi e nis kështu mbarë Kupën e Botës në Ski”.

“Skiatorja e talentuar që garon për Shqipërinë kualifikohet për në finalen e Sllallomit Gjigant në Solden të Austrisë”, tha ministrja Manastirliu.

Në disiplinën e Sllallomit Gjigant, Colturi mundi të jetë brenda pritshmërive dhe të futet mes 20 më të mirave në botë nga 100 skiatoret që marrin pjesë.

Në lëshimin e parë ajo e mbylli me kohë 1:08.39, ndërsa në të dytën 1:09.85, duke e mbyllur me 2.19 sekonda pas vendit të parë.

Ndërkohë Colturi ka siguruar 15 pikët e para në Botërorin e këtij viti. /atsh/ KultPlus.com