Përpjekjet e Princeshës Diana me një çrregullim të të ngrënit përshkruhen në një libër për fëmijë për jetën e saj.

Edicioni i fundit i serisë së librave ‘Little People, Big Dreams’ do të dalë më 7 shtator dhe do të “prezantojë lexuesit e rinj me princeshën më të dashur në botë”.

Autorja Maria Isabel Sánchez Vegara përmes kësaj sage të njohur librash për fëmijë eksploron jetën e njerëzve me ndikim, nga dizajnerët tek shkencëtarët dhe aktivistët. Vivienne Westwood, David Bowie dhe Ru Paul janë vetëm disa nga njerëzit që u shfaqën në faqet e librave të saj.

Një kopje elektronike e librit iu prezantua ‘Independent’ dhe përfshin një tregim të çrregullimit të të ngrënit të Princeshës Diana. “Edhe nëse jeta e saj dukej sikur ishte jashtë faqeve të një përrallë, ajo shpejt e kuptoi se zemra e princit i përkiste diku tjetër… Me kalimin e viteve ky trishtim u zhvillua në një çrregullim të të ngrënit të quajtur bulimia,” thotë ajo në një moment në libër.

“Sa herë që ndihej e vetmuar, ajo gjente lehtësim duke ngrënë ëmbëlsira që mund t’i gjente në kuzhinën mbretërore,” vazhdon ajo. “Por ndjenja e ëmbël e lehtësimit nuk zgjati shumë. Sapo u largua, ajo u përpoq të nxirrte të gjithë ushqimin që kishte ngrënë.”

“Iu desh kohë që të kërkonte ndihmë, të mësonte ta donte veten dhe të ndalonte së ndëshkuari trupin e saj. Por sapo e bëri, ajo u ndje më mirë se kurrë.”/KultPlus.com