Xhudistët nga Kosova janë duke marrë pjesë në Evropianin 2022 i cili mbahet në Sofje të Bullgarisë, shkruan KultPlus.

Në kategorinë 52 kilogramë, Xhudistja franceze, Amandine Buchard ka arritur që pas një lufte shumë të fort, të fitojë në përballje me Distria Krasniqin, për të vazhduar rrugën drejt gjysëmfinales.

Krasniqi kaloi raundin e parë pa u ndeshur me dikë, derisa në raundin e dytë fitoi ndaj Gabriela Dimitrova, dhe tani do të vazhdojë në repesazh.

Në anën tjetër, në kategorinë 57 kilogramë, Flaka Loxha ka fituar dy meçe dhe tani do të luajë në çerekfinale ndaj Paule Starke.

Kosova është duke u përfaqësuar në këtë Evropian nga katër xhudistë: Distria Krasniqi, Flaka Loxha, Akil Gjakova dhe Laura Fazliu. /KultPlus.com