Deri më tani nga takimi në Samitin BE-Balkani Perëndimor nuk ka asgjë konkrete për sa i përket liberalizimit të vizave dhe sipas zhvillimeve, shpresat kanë filluar t’i lëshojnë qytetarët, shkruan KultPlus.

Për këtë mosveprim nga ana e BE-së, sot në Prishtinë do të protestohet.

“Marshojmë për Liri të Lëvizjes” është thirrja që po ju drejtohet qytetarëve që t’i bashkohen këtij mardhi sot nga ora 12:00. Takimi do të bëhet te sheshi “Zahir Pajaziti”.

“Nese keni kohe e mundesi ejani sot ne 12:00 ne shesh – Marshojmë per Liri te Levizjes #FreeVisa. Takimi te shtatorja e heroit Zahir Pajaziti”, ka shkruar Shpend Lila në facebook.

Ndërsa sot në Bruksel potencialisht mund të diskutohet për liberalizimin e vizave për Kosovën.

Kosova është vendi i vetëm në rajon që ka mbetur në regjim vizash për të udhëtuar në një nga vendet e BE-së. / KultPlus.com