Ky vit shënon edicionin e 7-të të festivalit ndërkombëtar të poezisë ‘Republika’, me pjesëmarrjen e 17 poetëve me origjinë nga Ballkani dhe vende të ndryshme të globit, shkruan KultPlus.

Organizimi dhe koncepti i veçantë e kanë shëndrruar festivalin ‘Republika’ në një festival me rëndësi jo vetëm për vendin por edhe për rajonin e më gjerë. Në një atmosferë intime, përgjatë 3 ditëve do të ketë:

Premierë të dokumantrit: KUFIRI I KUQ – t’huej mes t’vetve, me skenar të Admirina Peçit dhe regji të Rrezart Shehut.

Promovimi i librit NATA E QEJVE të shkrimtarit, PrimoShllaku, me panelistë, stuediuesen, Esma Dodaj dhe stuediuesin e shkrimtarin Adil Olluri, nën moderimin e shkrimtarit, AzemDeliu.

Panel diskutimi mbi përkthimet dhe letërsinë me panelistë, Elmaz Fida, Ana Kove, Vlora Konushevci, Arjan Kallço dhe Gazmend Bërlajolli, nën moderimin e shkrimtarit, Azem Deliu.

Ekspozita HOMAZH me 17 portrete të figurave shqiptare që kanë dhanë kontribut në fushën e kulturës, nga artisti i fotografisë, Fahredin Spahija.

Performancë muzikore nga solistja Ardiana Bytyqi nën përcjelljen e Urim Maliqit.

Interpretim i poezive nga aktori, Xhevdet Doda

Shoqnimi i poezive me kitarë nga instrumentisti, Urim Maliqi

Vizitë Ulpianës – qytetit ilir të jetës pararomake

Në këtë edicion të festivalit të poezisë ‘Republika’ marrin pjesë shkrimtarët dhe artistët: Rafael Newman, Christos Armandos Gezos, Dalila Hiaoui, Ilire Zajmi, Enkeleda Ristani, Vlora Konushevci, Aziz Mustafa, Emin Emini, Xhevat Latifi, Bruna Gjoni Pervathi, Ndue Ukaj, Marsela Neni Haxhimusai, Gabriela Mujaj, Adriana Shala Prishtina, Ardita Jatru dhe Shqiptar Oseku.

Në një njoftim për media thuhet se festivali ka natyrë jokonkurruese, ku nxitet fryma e miqësisë dhe kremtimi i ekselencës letrare. Ky edicion i festivalit do të moderohet nga Arlinda Rexhaj dhe do të mbahet më 14, 15 dhe 16 shkurt, në Kino Armata. / KultPlus.com