Janari i vitit 1999 i mori tre pjesëtarë të familjes. Izet Kelmendit, forcat serbe ja masakruan të atin me dy vëllezërit, njëri 10 dhe tjetri 12 vjeçare.

Kjo masakër ndaj familjes Kelmendi ka mbetur e fiksuar përgjithmonë përmes fotografisë të cilën Izeti e ka ndarë me ndjekësit e tij në facebook duke bërë thirrje që të bojkotohen produktet e Serbisë.

Në fotografi shihet një traktor ku në pjesën e vozitësit janë burrë dhe grua, të masakruar, Hysen dhe Sanie Kurti, nga fshati Tërmjan, ndërsa në pjesën lart është Shabani 44-vjeçar, Besimi 12-vjeç dhe Haxhia 10-vjet, familja e Izetit, të vrarë më 24 janar, 1999.

Kelmendi kërkon me urgjencë bojkotimin e produkteve serbe, duke sjellë para publikut një fotografi që flet shumë mbi atë se çfarë ka përjetuar populli i Kosovës nga regjimi serb.

“Vllazen edhe motra ky rasti osht masakra e rakovines ktu permi tall osht i vram baba jem dhe dy vllaznit e mi 10 vjeq dhe 12 vjeq e ne traktor mrena jan burr dhe grua qe i lan 6 thmi pa bab e pa nan kjo osht ni arsye per mi bojkotu prodhimet ser*e”, shkruan Kulmendi. / KultPlus.com