Një tjetër media prestigjioze i ka kushtuar një artikull Tiranës, si një prej destinacioneve që mund të vizitohet nga turistët e huaj në çdo periudhë të vitit. Kryebashkiaku Erion Veliaj, e ka risjellë në vëmendje këtë botim, duke cilësuar përmes një postimi në rrjetet sociale, se gazeta “Time Out” e ka renditur Tiranën si destinacionin më të lirë dhe më të mirë për të eksploruar në Europë këtë vit.

“Për ata që kërkojnë një pushim buxhetor, por plot kulturë, histori dhe argëtim, kryeqyteti ynë është zgjedhja perfekte. Me histori unike si Bunk’Art 1, art urban që gjallëron qytetin, dhe vende fantastike si “Mystic 2” e “Radio Bar,” Tirana i ka të gjitha”, shprehet Veliaj.

Vija e bukur bregdetare e Shqipërisë është shndërruar në destinacionin më të kërkuar gjatë dy viteve të fundit – si një alternativë buxhetore ndaj Greqisë, Spanjës dhe Italisë.

Gjatë vizitës tuaj në Shqipëri nuk duhet të humbisni kryeqytetin e tij – veçanërisht nëse po kërkoni një pushim buxhetor në qytet.

Tirana është e zhytur në historinë e epokës komuniste: Bunk’art 1, një bunker i Luftës së Ftohtë i kthyer në muze, dhe një nga atraksionet më të njohura të qytetit, kushton vetëm 4 paund për ta vizituar.

Ndërsa shumë ndërtesa tradicionale që nga ajo kohë u janë nënshtruar ndryshimeve të gjalla në formën e artit të rrugës.

Gjithashtu, Tirana ofron restorante të shkëlqyera si “Mystic 2” dhe bare si “Radio Bar”, të cilat shërbejnë pjata dhe kokteje të shkëlqyera me çmime të përshtatshme./atsh/ KultPlus.com