Ministria e Mjedisit, Planifikimit Hapësinor dhe Infrastrukturës, ka njoftuar se pas reshjeve të borës ditën e djeshme, ka vështirësi në komunikacion, por rrugët janë të kalueshme, përcjell KultPlus.

Përmes një postimi në llogarinë zyrtare në “Facebook”, Ministria e Infrastrukturës ka informuar se të gjithë operatorët ekonomik për mirëmbjatjen e rrugëve kanë qenë në aktivitet të plotë.

“Ju informojmë se Operatorët Ekonomik, për mirëmbajtjen e rrugëve kanë qenë në aktivitetin e tyre të plotë gjatë tërë natës së mbrëmshme dhe si rezultat i këtij aktiviteti sot të gjitha rrugët e Republikës së Kosovës të cilat menaxhohen nga MMPHI, janë të qarkullueshme për të gjitha llojet e automjeteve”, shkruhet mes tjerash.

Ata kanë apelauar të gjithë pjesëmarrësit në komunikacion që të kenë kujdes të shtuar. /KultPlus.com