Mes arinjve që kishin marrë kokainë, avionëve luftarakë, yjeve që këndonin apo shakave për shuplakën e famshme të Will Smith, në ceremoninë e 95-të të shpalljes së çmimeve Oscar ndodhën edhe të tjera gjëra.

Me shtatë Oscar, komedia e ashtuquajtur e çmendur “Everything Everywhere All At Once” (“Gjithçka, kudo dhe Përnjëherë”) fitoi Oscarin për filmin më të mirë duke u bërë një nga filmat më absurdë që fitoi këtë çmim të madh.

Një përzierje e aksionit, humorit dhe fantashkencës, filmi dukshëm mundi historinë intime të Steven Spielberg “The Fabelmans”, tragjikomedinë “The Banshees of Inisherin” ose “Top Gun: Maverick”.

Por, çfarë ndodhi tjetër?

Fillimet në ajër

Pas paradës së yjeve në tapetin, i cili këtë herë nuk ishte i kuq, por ngjyrë shampanje, çmimet Oscar filluan… në ajër.

Vetëm në 300 metra lartësi nga teatri ”Dolby”, dy avionë luftarakë të marinës amerikane, tip F-18, fluturuan në një shenjë nderimi për filmin “Top Gun: Maverick” dhe heroin e tij, Tom Cruise.

Rihanna dhe Lady Gaga ofrojnë shfaqjen

Superylli Rihanna performoi këngën e saj të nominuar për Oscar “Lift Me Up”.

Himni është marrë nga filmi i Marvelit “Black Panther: Wakanda Forever” dhe përfaqëson një nderim për aktorin e ndjerë Chadwick Boseman, i cili luajti te “Black Panther” në filmin e parë.

E nominuar në të njëjtën kategori, Lady Gaga u ngjit në skenë edhe për të kënduar “Hold My Hand”, kompozuar për filmin “Top Gun: Maverick”. E filmuar nga afër dhe thuajse pa grim, këngëtarja nuk u shpall fillimisht në posterin e ceremonisë.

Ndërkohë, Lenny Kravitz siguroi pjesën e homazhit për personalitetet e botës së kinemasë që vdiqën gjatë vitit të kaluar duke kënduar “Calling All Angels”.

Kjo ishte njoftuar më parë nga John Travolta, lotët e të cilit rrodhën kur iu referua Olivia Newton-John, me të cilën luajti bashkë në filmin ”Grease” dhe që vdiq gushtin e kaluar.

Një arushë e rremë që kishte marrë kokainë dhe një gomar i vërtetë

Njëri është ylli ”narkotik” i filmit “Crazy bear” dhe tjetri është shoqëruesi i dashur i yjeve irlandezë të “Banshees of Inisherin”: një ari dhe një gomar janë ngjitur të dy në skenë.

Nëse gomari ishte i vërtetë, ariu mishërohej nga një aktor me një kostum të papërpunuar, i cili ilustron, sipas regjisores Elizabeth Banks, rëndësinë e kinemasë digjitale.

”Pa efektet speciale, ky ari do të dukej kështu”, tha ajo me shaka.

Colin Farrell, i cili luan rolin kryesor në ”The Banshees of Inisherin”, nuk ka munguar t’i dërgojë një puthje gomarit në skenë, i cili megjithatë nuk ishte ai që luante në film.

”Naatu Naatu”, këngë virale, spektakël brilant

Himni marramendës viral ”Naatu Naatu”, nga filmi ‘RRR’, bëri histori të dielën. Ishte kënga e parë nga një film indian që fitoi Oscarin për këngën më të mirë, duke mposhtur peshat e rënda Lady Gaga dhe Rihanna në këtë kategori.

Fitorja pasoi një performancë skenike verbuese dhe energjike nga filmi, e cila i kënaqi yjet e Hollivudit të pranishëm.

Një shuplakë që kumbon ende

Një vit pasi Will Smith doli në skenë për të goditur me shuplakë komedianin Chris Rock, skena ishte në qendër të shumë shakave të dielën.

“Nëse njëri prej jush nuk është i kënaqur me një shaka dhe vendos të goditet, nuk do të jetë e lehtë”, premtoi emcee Jimmy Kimmel, duke iu referuar një hit-i të Will Smith, “Gettin’ Jiggy With It”.

“Nuk kemi marrëzi sonte?”, pyeti Jimmy Kimmel me shaka./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij. / atsh / KultPlus.com