Xhudistja Nora Gjakova ka fituar medaljen e argjendtë  në garat ndërkombëtare të Xhudos, përkatësisht në Grand Slamin e Kazakistanit, shkruan KultPlus.

Trajneri Driton Kuka, përmes një postimi në facebook ka bërë të ditur se Nora Gjakova ka fituar medalje të argjendtë në ditën e çlirimit të qytetit të saj të lindjes, Pejës.

“Medalje e argjendtë për Norën në Ditën e Çlirimit të qytetit të saj të lindjes Pejës!

Nora Gjakova shënoi 3 fitore për tu ndeshur në finale me Francezen Qysique e ku mirë e filloj luftën dhe u prit luftë e fortë por një gabim i kushtoj por kjo se humb shkëlqimin e medaljes së argjendtë të Norës dhe 700 Pikë Olimpike!”, ka thënë Kuka.

Nora Gjakova ka mposhtur me Ippon garueset nga Latvia,Polonia dhe gjysëmfinale garusen nga Holanda.

Trajneri Kuka ka bërë të ditur se Nora Gjakova tashmë vulosur Normën drejt Lojerave Olimpike dhe lufta është të mbetet në Top 8 që të jetë ndër bartëset e grupeve./KultPlus.com