Papa Françesku është shprehur kundër shtrëngimit të ligjeve të migracionit dhe bëri thirrje për një “menaxhimi global të migracionit” bazuar në parimet humanitare.

Papa, në audiencën e tij të përgjithshme javore sot, tha gjithashtu se kontrabandistët e qenieve njerëzore duhet të ndalohen.

Kreu i Kishës Katolike ka shprehur vazhdimisht dhimbjen e tij për shumë njerëz të detyruar të largohen nga shtëpitë e tyre ose për shkak të dhunës ose kushteve jashtëzakonisht të këqija të jetesës.

”Mesdheu është bërë varrezë. Shumica e këtyre vdekjeve mund të ishin parandaluar”, tha ai.

”Por, marrja nën kontroll e migracionit përmes ligjeve më të ashpra nuk është rruga e duhur”, tha papa Françesku.

”Kjo nuk arrihet me ligje më të rrepta, jo përmes militarizimit të kufijve, jo përmes kufijve, jo me zmbrapsje”, theksoi ai.

Në vend të kësaj, ai bëri thirrje për “rrugë të sigurta dhe të rregullta” për migrimin.

”Ajo që nevojitet është menaxhimi global i migracionit të bazuar në drejtësi, vëllazëri dhe solidaritet”, përfundoi ai./