Pas reagimit të Shoqatës së të Verbërve të Kosovës, ish-zëvendës ministri i arsimit ka kërkuar falje publike për deklaratat e tij, shkruan KultPlus.

“Unë, Jusuf Thaçi kërkoj falje publike nga të gjithë personat e verbër që janë ndier të ofenduar nga fjalori im që kam përdorur në emisionin Pressing në telvizionin T7, të datës 22 janar 2021!”, ka shkruar në facebook Thaçi.

Tutje, ai ka thënë se si person gjatë gjithë jetës së tij ka realizuar aktivitete lobuese për përmirësimin e kushteve dhe të drejtave të personave me nevoja të veçanta në Kosovë.

“Shpresoj që askush (përfshirë edhe Shoqatën e të Verbërve të Kosovës) nuk beson që unë kam pasur për qëllim të ofendoj personat e verbër”, vazhdoi Jusuf Thaçi.

Thaçi ka sqaruar se gjatë deklaratës së tij, fjala ka pasur kuptimin e parë.

“Në kontekstin dhe fjalinë që e kam përdorur këtë fjalë, nuk kam pasur qëllim të them (dhe as nuk kam nënkuptuar) asgjë ofenduese për të verbërit, pavarësisht se mund të jetë interpretuar ndryshe”, ka përfunduar Jusuf Thaçi.

“Si duket unë qorrazi ja paskam qëlluar numrave”, është shprehur Luljeta Aliu përgjatë emisionit.

Në anën tjetër edhe ish-zëvendës ministri i arsimit, Jusuf Thaçi ka thënë: “Edhe qorri mundet me ja qëllu ndonjëherë por kjo nuk do më thën qe ai ka marrë në shenje mirë apo është i saktë”. / KultPlus.com