Ministri i Punëve të Brendshme, Xhelal Sveçla, deklaroi të enjten se Policia e Kosovës ka filluar patrullimin e rregullt të vijës kufitare mes Republikës së Kosovës dhe Serbisë, si dhe gjithë hapësirës së Liqenit të Ujmanit.

Nëpërmjet një postimi në “Facebook”, Sveçla tha se kjo po ndodh për herë të parë që nga paslufta, pas krijimit të njësitit për patrullim ujor.

“Tashmë, kontrolli i kufirit shtetëror është më i plotë. Përgëzoj Policinë e Kosovës për suksesin e radhës!”, tha ministri.

Ky liqen ka një sipërfaqe prej 12 km² prej të cilave 9.2 km² banon në veri të Kosovës dhe 2.7 km² në territorin e Serbisë. /KultPlus.com