Kryetari i Prishtinës, Perparim Rama, përmes rrjeteve sociale ka njoftuar se ka pritur në takim Emirin, që është njëri prej pak të mbijetuarve të gjenocidit në Srebrenicë, dhe i ka dhuruar “Çelësin e Qytetit”.

“Emiri është një prej pak të mbijetuarve të gjenocidit në Srebrenicë. Ai na nderoi sot me vizitë në institucionin e Kryeqytetit.Në shenjë të empatisë me vuajtjet e përjetuara dhe për të nderuar sakrificën e popullit boshnjak, i dhurova “Çelësin e Qytetit”, ka shkruar Rama.

Tutje, ai u shpreh se gjenocidi në Srebrenicë ka shokuar gjithë botën si një prej krimeve të organizuara më barbare të shekullit 20, dhe se përjetime të ngjashme kanë pasur edhe populli ynë në Prekaz, Reçak, Mejë e Krushë të Madhe.

“Ne i përkujtojmë çdo ditë me dhimbje të gjtiha viktimat e pafajshme të shkaktuara nga regjimi serb”, ka shtuar Rama.