Kryeministri i Kosovës, Albin Kurti, ka kujtuar 75-vjetorin e themelimit të Këshillit të Europës duke u shprehur se ky vit shënon plotësimin e kritereve nga Kosova për anëtarësim.

Ai thekson se Kosova ka plotësuar kriteret për anëtarësim dhe kjo nënkupton forcën e demokracisë sonë dhe sundimin e ligjit.

“Sot, 75 vjet më parë, u themelua Këshilli i Europës organizata kryesore e kontinentit për të drejtat e njeriut. Ky vit shënon njohjen e Kosovës si një vend që plotëson kriteret për t’u bashkuar, duke nënkuptuar forcën e demokracisë sonë, sundimin e ligjit dhe përgjegjësinë tonë të përbashkët ndaj të drejtave të njeriut”, ka shkruar Kurti. / KultPlus.com