Në një ceremoni zyrtare të mbajtur në Pallatin Presidencial në Helsinki, Presidentja e Republikës së Kosovës, Vjosa Osmani, ka ndarë Medaljen Presidenciale Ushtarake për Forcat e Armatosura të Finlandës. Kjo dekoratë u dha në shenjë mirënjohjeje për kontributin e palodhur dhe angazhimin e vazhdueshëm të ushtarëve finlandezë në misionin paqeruajtës të KFOR-it në Kosovë, që nga viti 1999.

“Dje, në Pallatin Presidencial në Helsinki, kisha nderin ta ndajë Medaljen Presidenciale Ushtarake për Forcat e Armatosura të Finlandës, në shenjë mirënjohjeje për kontributin dhe angazhimin tyre e palodhur në mbështetje të Kosovës, që nga viti 1999, si pjesë e misionit të KFOR-it”, ka shkruar Osmani.

Duke folur gjatë ceremonisë, Presidentja Osmani vlerësoi lart rolin e Finlandës dhe theksoi rëndësinë e pjesëmarrjes së saj në ruajtjen e paqes dhe stabilitetit në rajon.

“Paqeruajtësit janë heronjtë që bëjnë të mundur paqen, edhe kur është e vështirë. Faleminderit Finlandës dhe çdo ushtari finlandez për rolin e tyre të pazëvendësueshëm,” u shpreh ajo./KultPlus.com