Prishtina Green Week, për një javë sjellë shumë aktivitete në kryeqytet

31 Maj, 2020 - 9:02 pm

Gjatë Javës së Gjelbër, kur shënohen edhe disa ditë ndërkombëtare të rëndësishme që kanë të bëjnë me ambientin, Prishtina do të promovojë aktivitete të shumta, webinar, seminare, projektet për Prishtinën e Gjelbër dhe shumëçka tjetër, shkruan KultPlus.

Në Prishtina Green Week do të ketë aktivitete të shumta në lidhje me rëndësinë e Prishtinës së Gjelbër, si një projekt i Komunës së Prishtinës.

“Gjendemi në një periudhë të rëndësishme, ku e kemi parë se si ngjyrat e Prishtinës janë rikthyer me përdorimin më të vogël të veturave. Po investojmë në shtigje të biçikletave, gjelbërim dhe sidomos në Planin e Mobilitetit, me idenë që të ketë sa më shumë gjelbërim e ajër të pastër”, thonë organizatorët.

Prishtina Green Week do të jetë një ngjarje e madhe, në rikthimin e plotë të fokusit në gjelbërim e ambient, jo vetëm për qytetarët e Prishtinës, por për gjithë Kosovën. /KultPlus.com