Prishtina ka fituar Superkupën e Kosovës për edicionin 2023-2024, pasi në finale mposhti Ballkanin me rezultat 2-1.

Fillimisht në epërsi kaluan kryeqytetasit me anë të Egzon Sinanit, në minutën e 9’ të takimit. Me këtë rezultat u mbyll pjesa e parë, pasi më nuk u tundën portat.

Me të filluar pjesa e dytë, prishtinasit e shënuan edhe golin e dytë me anë të Leotrim Kryeziut, në minutën e 46’.

Suharekasit u munduan të kthehen në lojë me anë të Krenar Dulajt, i cili ngushtoi epërsinë në minutën e 79’.

Prishtina e fiton Superkupën e Kosovës për herë të 11-të në histori të klubit.

Për Prishtinën ky ishte trofeu i 30-të në histori nga mëvetësimi i futbollit kosovar në vitin 1991.

Kryeqytetasit kanë fituar 11 tituj të kampionit, 8 Kupa të Republikës dhe 11 Superkupa./Klankosova./KultPlus.com