“Air Albania Stadium” ka hyrë në histori si stadiumi ku është zhvilluar për herë të parë finalja e Ligës së Konferencës, gara më e re nga shtëpia e futbollit UEFA, shkruan KultPlus.

Në takimin final mes Romës dhe Feyenoord, italianët arritën që të fitojnë minimalisht me rezultat 1-0.

Për këtë fitore të madhe ka reaguar edhe Kryeministri Edi Rama, i cili ka shprehur falënderime për të gjithë ata që i dhanë jetë eurombrëmjes së djeshme.

Rama u shpreh krenar për përshtypjet fantastike që Shqipëria la në sytë e mbarë Europës.

“Mirëmëngjes dhe me falënderimin e përzemërt për të gjithë ata që i dhanë jetë eurombrëmjes së djeshme të Shqipërisë, si edhe me krenarinë për përshtypjet fantastike që Shqipëria la në sytë e mbarë Europës, ju uroj një ditë të mbarë”, shkruan Rama në rrjetet sociale. /KultPlus.com