Festa e 28 Nëntorit tashmë ka nisur. Nxënësit e çerdheve dhe shkollave tona sot janë zgjuar kuq e zi. Me punime të mahnitshme e me program të pasur sot në të gjitha shkollat do të festohet kuq e zi, shkruan KultPlus.

Kryetari i Prishtinës, Përparim Rama ka ndarë sot me mëngjes disa pamje nga punimet e nxënësve nëpër shkollat e kryeqytetit duke u shprehur se nxënësit me duart e tyre të arta kanë bërë mrekulli.

“Nxënësit e çerdheve dhe shkollave tona me duart e tyre të arta kanë bërë mrekulli me punimet e tyre për 28 Nëntorin.

Nxënësit kanë përgatitur punime fantastike dhe shfaqje të mrekullueshme artistike për të shprehur dashurinë dhe respektin ndaj flamurit shqiptar.

S’ka më mirë se të nisësh ditën me talentët tanë të jashtëzakonshëm dhe me energjinë e tyre pozitive”, ka shkruar Rama. / KultPlus.com