Kryetari i Komunës së Prishtinës, Përparim Rama, ka prezantuar sot projektin e ri që do të ndërlidhë Arbërinë me Pallatin e Rinisë dhe Hotelin Grand.

Rama gjithashtu ka njoftuar se në muajin shkurt do të shpallet thirrja për kompaninë ndërtimore për këtë projekt transformues që sipas Ramës do të zgjidhë shumë probleme për qytetarët e kryeqytetit.

“VITI I PROJEKTEVE TË MËDHA

Projekti madhor që ndërlidhë Arbërinë me Pallati i Rinisë dhe Hotelin Grand, tani është gati.

Gjatë muajit shkurt do të shpallet thirrja për kompaninë ndërtimtore për këtë projekt transformues që zgjidhë shumë probleme për qytetarët e Kryeqytetit.

I falënderoj qytetarët për durimin e treguar dhe i informoj se detaje të projektit do të ekspozohen për publik të hënën me 12 shkurt në hollin e ndërtesës së Kryeqytetit në qendër”, shkruan Rama. / KultPlus.com