Ky fillim dhjetor e ka gjetur qytetin e Shkodrës të zbukuruar me dekorin e festave të fundvitit.

Kryeministri Edi Rama ka publikuar në rrjetet sociale foto nga atmosfera që ka përfshirë qytetin verior për të mirëpritur Krishtlindjen dhe Vitin e Ri.

Pema e madhe e Vitit të Ri e vendosur në pedonalen kryesore të qytetit, dekori zbukurues dhe shtëpizat prej druri i kanë dhënë një pamje të mrekullueshme Shkodrës.

Rama shprehet se Shkodra po bëhet gati për një dhjetor festash siç i ka hije traditës së saj të dikurshme.

Ndërsa Kreu i Bashkisë Shkodër, Benet Beci u ka drejtuar një ftesë të gjithë qytetarëve shkodranë për t’u bërë bashkë në orën 18:00, për të nisur festën për të gjithë muajin dhjetor./ atsh / KultPlus.com