Regjisorja Kaltrina Krasniqi dhe montazheri Enis Saraçi morën sot çmimin vjetor për kinematografi.

Sot ministri i Kulturës, Rinisë dhe Sportit, Hajrulla Çeku, i  ndau këto çmime, si dhe çmimin kombëtar për vepër jetësore “Bekim Fehmiu” që e mori Menduh Nushi.

Në njoftimin e ministrisë thuhet se pjesë e jurisë profesionale në këtë edicion ishin Blerta Basholli, Ujkan Hysaj, Valmira Hyseni, Rozafa Çelaj dhe Gazmend Bajri.

Këto çmime u ndahen personaliteteve të shquara të fushës së kinematografisë për suksesin dhe të arriturat gjatë karrierës./ KultPlus.com