Gjatë 2000 viteve të fundit, temperaturat botërore nuk ishin rritur kurrë kaq shpejtë sa tani, sipas të dhënave të publikuara sot që, sipas ekspertëve, do të heqin të gjitha dyshimet tek skeptikët ndaj ngrohjes globale.

Ndërkohë që një pjesë e mirë e Evropës po përballet me serinë e radhës të të nxehtit ekstrem në një muaj, dy studime të ndryshme analizojnë 2000 vite të tendencave të historisë klimatike të fundit të planetit tonë.

Studiuesit kanë përdorur të dhëna e temperaturave të mbledhura nga rreth 700 tregues, që nga unazat e pemëve, të tubave të akullit, të sedimentet e liqeneve, nga koralet deri tek termometrat modern.

Përfundimet e tyre janë të qarta dhe në asnjë çast që prej fillimit të epokës sonë, temperaturat nuk janë rritur kaq shpejt dhe kaq rregullisht sa në fund të shekullit XX. Kur pas luftës, prodhimi dhe konsumi arritën nivele të paprecedenta.

“Ky rezultat thekson karakterin e jashtëzakonshëm të ndryshimit klimatik aktual”, shpjegon Raphael Neukom i Universitetit të Bernës në Zvicër, bashkautor i studimit.

Këto studime pritet që t’i japin fund dyshimeve të skeptikëve ndaj ndryshimit klimatik që pretendojnë se ngrohja globale që po vëzhgohet aktualisht është pjesë e një cikli natyror, thekson Mark Maslin i “University College London”. /KultPlus.com