Sedat Duraku-Duka është një dizajner i ri dhe ambicioz nga Kumanova. Duka është brendi i tij.

23-vjeçari para ca ditësh njoftoi publikun shqiptar për punën që e bën tash e sa vite, shkruan News-TV, transmeton KultPlus.

Duraku para pak kohe diplomoi në drejtimin dizajn në Universitetiin “Kiril dhe Metodi” në Shkup, ndërsa si punë ka disa vite që e bën me dëshirën më të madhe.

Së fundmi, ai me rastin e diplomimit të tij, ka realizuar një koleksion të ashtuquajtur INSANIME, duke paraqitur një stil të ri.

Koleksioni është pritur shumë mirë nga ana profesorëve, shoqërisë dhe publikut në përgjithësi.

Në koleksion janë përfshirë gjithësej 5 kostume, të punuara me një korrektësi maksimale të cilët secilit prej tyre kanë karakterizuar një stil në vete.

Momentalisht është duke punuar në dizajne të personalizuara, të kërkuara nga individ të caktuar dhe shumë shpejtë, shpreson se do te sjell edhe diçka të re në treg.

Popullariteti i madh dhe i filmave anime është përhapur në të gjithë botën. Ky lloj arti është frymëzimi i shumë markave të modës dhe është pjesë e stilit japonez të rrugëve.

Stili i çuditshëm, kostumet spektakolare dhe arkitektura në filmat anime, të shndërrohen në stilin rrugor të Japonisë, janë frymëzimi kryesor për këtë koleksion autorial.

Frymëzimi është tërhequr nga diapazoni i ngjyrave të pranishme në filmat anime japonezë, dhe diapazoni i materialeve dhe siluetave janë të gëzuara nga rrobat e personazheve kryesorë të anime.

Për në fund, ai falënderon familjen e tij për përkrahën gjatë studimeve, posaçërisht nënën e tij, e cila ka qenë inspiruese e madhe në këtë drejtim. Duraku dëshiron që këtë sukses t’ia dedikoj pikërishtë nënës së vet, e cila ka investuar shumë në projektin e tij, me një mbështjetje të madhe. /newstv/ KultPlus.com