Me rastin e 110-vjetorit të Pavarësisë së Shqipërisë, mbahet sot në Tiranë mbledhja e parë e përbashkët mes Kuvendit të Republikës së Shqipërisë dhe Kuvendit të Republikës së Kosovës.

Mbledhja që nis në orën 10:00, do të zhvillohet në sallën e seancave plenare të Kuvendit të Shqipërisë.

Kryetarja e Kuvendit, Lindita Nikolla do të hapë punimet e kësaj mbledhjeje për të vijuar me kryetarin e Kuvendit të Kosovës, Glauk Konjufca.

Sipas axhendës së publikuar, mbledhja do të vijojë me fjalimet e kryeministrit Edi Rama dhe kryeministrit Albin Kurtit.

Gjithashtu, një një fjalim përshëndetës do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.