Skulptori Arben Bajo që ka vdekur sot si pasojë e koronavirus, pas vete ka lënë shumë skulptura të njohura, të cilat janë vendosë edhe në vende të ndryshme të Shqipërisë, shkruan KultPlus.

Ai është i njohur edhe për shtatoren e artistes së madhe Vaçe Zela, që është vendosë në Lushnje. KultPlus ju sjell këtë vepër arti të artistit Arben Bajo

Për vdekjen e artistit në fjalë, sot ka shprehur ngushëllime edhe Kryeministri i Shqipërisë, Edi Rama, si dhe një numër i madh artistësh nga Kosova dhe Shqipëria. Ata kanë vlerësuar lartë kontributin artistik të skulptorit Arben Bajo.

Ai ka lindur në vitin 1967 në Gjirokastër, teksa studioi skulpturë në Akademinë e Arteve të Bukura, në Tiranë, (1988-1992). Ai ka hapur shumë ekspozita personale në Shqipëri dhe jashtë vendit teksa përveç se është realizues i shtatores së Vaçe Zelës ai ka realizuar edhe shtatoren e At Zef Pellumbit dhe Asim Zenelit. / KultPlus.com