Në stadiumin e Southemptonit “St. Mary” ku po zhvillohet ndeshja ndërmjet Anglisë dhe Kosovës, është i pranishëm një numër i madh i tifozëve kosovarë.

Tifozët kosovarë “Dardanët” që kanë shkuar për ta përkrahur Kombëtaren e Kosovës, kanë kënduar këngën e mirënjohur “Besa-besë, besën ta kam dhanë” derisa po zhvillohej pjesa e parë.

Edhe gjatë ditës, tifozët ata kanë kënduar rrugëve të Southemptonit.

Kombëtarja e Kosovës mposhti së fundmi Cekinë në Prishtinë me rezultat 2-1, ndërsa sonte në ballafaqimin me Anglinë pas pjesës së parë, është duke pësuar disfatë me rezultat 5-1.

Megjithatë, “Dardanët” e mbledhur në stadium po vazhdojnë të këndojnë e ta mbështesin Kombëtaren. /KultPlus.com